лек

(Колонна)

әскери қызметшілердің, бөлімшелердің (машиналардың) бірінің артынан бірі орналасқан қатары. Жаяу бөлімшелер лекке 1,2,3,4 және одан да көп адамнан сап түзе алады. Л-тер бөлімдер мен бөлімшелердің жорықтық немесе жазылма сап түзеуінде қолданылады. Бөлімшелер (машиналар) арасындағы ара қашықтық пен аралық саптық жарғыда немесе командирдің өкімінде анықталады. Л. ұйымдасқан түрдегі қимылды, бөлімшелердің ұрыс алдындағы немесе ұрыстық ретке жазылуын, жеке құрамның күшін сақтауды, қатаң да үздіксіз басқаруды ұстануды қамтамасыз етеді. Қозғалыс кезінде лектің басында тұрған әскери қызметші бағыттаушы, лектің соңында тұрған тұйықтаушы болып тағайындалады. Л-тің басынан аяғына дейінгі ара қашықтық Л. ұзындығы деп аталады. ХІХ ғасырдың ортасында, әскерлер ұрыста тығыз сап түзеп әрекет еткенде Л-тер олардың ұрыстық ретінің бір түрі болды. Ең алғаш рет Л-пен шабуылдауды Кольбергтің маңындағы шайқаста П.А.Румянцев енгізген. 1716 жылдан кейін роталық және батальондық Л-ті А.В.Суворов, Наполеон сияқты қолбасшылар кеңінен қолданған. Әскери теңіз флотында Л-те кемелер бірінен кейін бірі тұрады. Әскери Әуе күштерінде ұшақтардың (жұп, буын) Л-тері ұрыстық реттің бір түрі болып табылады.